കുറ്റിക്കാട്ടൂര്‍ കണിയാത്ത് മഹല്ലിലെ മണ്ണുങ്ങല്‍ തറവാട്‌ പ്രശസ്ത പണ്ഡിത കുടുംബമാണ്. ഈ കുടുംബത്തില്‍ മണ്ണുങ്ങല്‍ മുഹമ്മദ്‌ മുസ്ലിയാരുടെ മൂന്നാമത്തെ മകനായാണ് അബ്ദുറഹ്മാ൯ കുട്ടി മുസ്ലിയാ൪ എന്ന അതൃമാ൯കുട്ടി മുസ്ലിയാ൪ ജനിച്ചത്‌. പിതാവായ മുഹമ്മദ്‌ മുസ്ലിയാരുടെ കീഴില്‍ പ്രാഥമിക വിജ്ഞാനം നേടിയ അതൃമാ൯കുട്ടി മുസ്ലിയാ൪ വാഴക്കാട് ദാറുല്‍ ഉലൂമില്‍ നിന്ന് അബ്ദുല്‍ ഖാദര്‍ ഫള്ഫരി, അബ്ദുല്‍ അസീസ്‌ ഹസറത്ത്‌, വൈത്തല അഹ്മദ്‌ കുട്ടി മുസ്ലിയാ൪, ചെറുശ്ശേരി അഹ്മദ്‌ കുട്ടി മുസ്ലിയാ൪ തുടങ്ങിയവരുടെ ശിഷ്യത്വം സ്വീകരിച്ചു. പിന്നീട്, ശിഹാബുദ്ദീ൯ അഹമ്മദ്‌കോയശാലിയാത്തി (റ)യുടെ അടുത്തു നിന്ന് ഉന്നത ഹദീസ്‌ ഗ്രന്ഥങ്ങള്‍ ഓതുകയും, അധ്യാപനത്തിനുള്ള സമ്മതം വാങ്ങുകയും ചെയ്തു. കൊടുവള്ളി, ചാലിയം, കൊടിയത്തു൪, കോടമ്പുഴ, ചേലേമ്പ്ര, മങ്ങാട്‌ തുടങ്ങിയ സ്ഥലങ്ങളിലും സ്വന്തം നാടായ കണിയാത്തും മുദരിസായി സേവനമനുഷ്ടിച്ചു.
കാന്തപുരം എപി അബൂബക്കര്‍ മുസ്ലിയാര്‍ 1939 മാര്ച്ച് 22ന് അഹ്മദ്‌ ഹാജിയുടെ മകനായി ആലങ്ങാപൊയില്‍ അബൂബക്ക൪ മുസ്ലിയാ൪ ജനിച്ചു. കുഞ്ഞിമ്മ ഹജ്ജുമ്മയാണ് മാതാവ്‌. കാന്തപുരം എ എം എല്‍ പി സ്കൂളില്‍ നിന്നായിരുന്നു പ്രാഥമിക പഠനം. പുത്തൂ൪ അബ്ദുള്ള മുസ്ലിയാരില്‍ നിന്നാണ്‌ ഖുര്ആ ൯ പഠിച്ചത്. കിഴക്കോത്ത് കീഴ്മഠത്തില്‍ അബ്ദുല്‍ ഹമീദ്‌ മുസ്ലിയാ൪, വാവാട് പോക്ക൪ കുട്ടി മുസ്ലിയാ൪, കുറ്റിക്കാട്ടൂ൪ ഇമ്പിച്ചാലി മുസ്ലിയാ൪, കെ കെ അബൂബക്ക൪ മുസ്ലിയാ൪, ഒ കെ സൈനുദ്ദീ൯ കുട്ടി മുസ്ലിയാ൪ എന്നിവരാണ് പ്രധാന ഗുരുക്ക൯മാ൪. കൂടുതല്‍ വായിക്കാന്‍ >>>